DC KIGOMA ATETA NA WAZEE MAARUFU WA MWANDIGA, AELEZA MAFANIKIO YA SERIKALI, Elders

Posted on: May 11th, 2023

Na Mwandishi Wetu

Mkuu wa Wilaya ya Kigoma Ndugu. Salum Hamis Kali Leo May 11, 2023  amefanya Mkutano na Wazee maarufu  pamoja na viongozi wa dini wa Halmashauri ya Wilaya ya Kigoma

Mkutano huo umefanyika katika Ukumbi wa mikutano Shule ya Sekondari Mwandinga ambapo kiongozi huyo ameeleza utekelezaji wa miradi ya maendeleo kwa Serikali ya Awamu ya Sita  

Mkuu huyo wa Wilaya amesema Serikali imeendelea kuboresha Miundombinu katika kuboresha huduma za jamii na kukuza uchumi wa wakazi wa Wilaya hiyo

Amesema tayari Serikali imeleta fedha za Kitanzania  kiasi cha Billion 58/= kwa ajili ya uboreshaji wa uwanja wa ndege kwa ujenzi na upanuzi wa eneo la kurushia Ndege na ujenzi wa Jengo la abiria huku akisema ujenzi wa Cherezo unaendelea kwa ajili ya ujenzi wa  Meli nne (04)  mpya Ziwa Tanganyika kwa gharama ya fedha za Kitanzania  Billion 12/=

Amesema Ujenzi wa Hospitali ya Halmashauri ya Wilaya ya Kigoma unaendelea katika Kijiji cha Kabanga ambapo hadi sasa Halmashauri imepokea kiasi cha fedha za Kitanzania Billion 3/= kutoka Serikali kuu

Miradi mingine inayotarajiwa kujengwa ni pamoja na Ujenzi wa Shule mpya na madarasa kupitia mradi wa BOOST katika Wilaya ya Kigoma kwa fedha za Kitanzania Billion 2.7/=, ujenzi wa Chuo cha Uhasibu (TIA) kwa gharama ya Bilioni 6.1/= eneo la Kamala Simbo, na ujenzi wa Hospitali ya Kanda Mkoani Kigoma

Amehitimisha kwa kusisitiza Wananchi kujishughulisha na kilimo cha  Michikichi ya kisasa kutokana na Serikali kuendelea kutoa miche bure kwa Wakulima  

Aidha Mkutano huo umehudhuriwa na Viongozi wa vyama vya Siasa, Waheshimiwa Madiwani,  Wenyeviti wa Serikali za Mitaa pamoja na Watendaji wa Serikali