MASHINE YA KUONGEZA VIRUTUBISHO KINGA YAFUNGWA KIGOMA UJIJI, HUDUMA KUTOLEWA BURE. Nutrition

Posted on: February 3rd, 2026

Na Mwandishi Wetu

Halmashauri ya Manispaa ya Kigoma/Ujiji imefunga mashine ya kuongeza virutubisho kinga katika Soko la Buzebazeba ili kuwahudumia Wananchi bure.

Aliyasema hayo Afisa lishe Manispaa ya Kigoma/Ujiji Ndugu. Omary Kibwana Jana Februari 02, 2026 alipokuwa akitoa elimu kwa Wananchi umuhimu kuongeza virutubisho katika chakula.

Alisema Halmashauri ya Manispaa ya Kigoma/Ujiji imepokea mashine mbili (02)kutoka Wizara ya afya  kwa ajili ya kuongeza virutubisho kinga katika vyakula na  tayari Wananchi wanaendelea kunufaika kwa kuongeza virutubisho katika unga wa mahindi.

Aidha  mashine nyingine inatarajiwa kufungwa Shule ya Sekondari Kigoma kwa ajili ya kuongeza virutubisho kinga katika vyakula  kwa Wanafunzi.

 Virutubisho vinavyoongezwa katika vyakula ni pamoja na Vitamin B, madini chuma, Zink na Asidi ya foliki yanayofaa kwa watu wote ikiwa ni katika kuongeza damu mwilini, kuepusha Kuzaliwa kwa Watoto wenye vichwa vikubwa, macho madogo, mgongo wazi, upofu , Goita na ukuaji hafifu.

Amewataka wananchi kujitokeza kwa wingi kuongeza virutubisho Kinga ambavyo ni mhimu na havibadili rangi na radha ya chakula.

Zaidi bofya www.kigomaujijimc.go.tz